KAZENERGY қауымдастығында мұнай-газ-химия жобаларында жергілікті қамтуды дамыту мәселелеріне арналған жұмыс тобының отырысы өтті. Кездесуге мемлекеттік органдардың, салалық қауымдастықтардың, компаниялардың және EPC-мердігерлердің өкілдері қатысты.
Қатысушылар ірі инвестициялық жобаларды іске асыруға қазақстандық кәсіпорындарды тарту шараларын, сондай-ақ жергілікті қамту үлесін арттыру жолдарын талқылады. Бұл ретте Атырау облысында газ-химия кешенін салу жобасының екінші кезеңіне ерекше назар аударылып, «Силлено» компаниясы құрылыстың қазіргі жайын баяндады. Сондай-ақ, EPC-мердігерлер Tecnicas Reunidas және Tecnimont компаниялары да өздерінің жергілікті қамту үлесін арттыру жоспарларымен бөлісті.
Отырыс қорытындысы бойынша отандық мұнай-газ химиясы секторын тұрақты дамыту үшін мемлекет, бизнес және мердігер ұйымдар арасындағы тығыз ынтымақтастықтың маңыздылығы атап өтілді.
