1.Белгіленген үлгідегі өтінішті қайдан алуға болады?
Белгіленген үлгідегі өтінішті
www.kazenergy.com – Білім беру бағдарламасы – Стипендиялар мен гранттар – Жер қойнауын пайдаланушылар қаражаты есебінен оқу бөлімінен (NCOC N.V., KPO B.V. компанияларының қаражаты есебінен берілетін білім гранттары) ала аласыз. Электрондық өтініш grant.kazenergy.com. сайтына өтінім берген кезде автоматты түрде қалыптастырылады, өтініштің сканерленген нұсқасын қосымша ұсыну талап етілмейді.
2. Бір академиялық оқу жылы үшін оқу құнын көрсете отырып, оқуға қабылдау туралы / оқу туралы анықтаманы қайдан алуға болады?
Анықтаманы деканат/оқу бөлімі береді. Анықтамада заңды тұлғалардың төлеуі үшін 2021-2022 академиялық оқу жылының оқу құны, курсы және оқу нысаны көрсетіліп, қол қойылуы тиіс (оқу орынның ресми бланкісінде не мөрі басылған).
3. Құжаттарды WORD форматында жіберуге бола ма?
Жоқ, өтінішті, басқа қалған құжаттар сияқты қол қойылған және сканерленген түрде жіберу қажет.
4. Өтінімде мамандық кодын, дайындық бағытын көрсету керек пе?
5. Өтінімде «Білім деңгейі» жолында өзімнің білім деңгейімді ме, әлде байқауға қатысу үшін құжаттарды бергенде алғым келетін білім деңгейін көрсету қажет пе?
Өзіңіз білім алуды жоспарлап отырған деңгейді көрсетесіз.
6. Сырттай оқи жүріп байқауға қатыса аламын ба?
Өкінішке орай, қатыса алмайсыз. «KAZENERGY» білім беру бағдарламасы модульді, қашықтықтан, сырттай, кешкі оқу және білім алудың басқа түрлерін қоспағанда күндізгі оқу нысанын ғана көздейді.
7. Өтінімде үлгерімнің қай жылғы орташа балын көрсету қажет? Оқудың барлық жылдарындағы орташа (жалпы) балды көрсету қажет пе?
Алдыңғы бір оқу жылы үшін ғана орташа балды көрсету қажет. Мысалы, егер сіз 2021-2022 оқу жылында 3-курс студенті болсаңыз, онда 2-курс үшін ғана GPA көрсетуіңіз қажет (Сіздің транскриптіңізде кумулятивті алғашқы 2 жыл үшін көрсетілген GPA шатыстырмаған жөн).
8. Егер мен 4-курс бакалавриат студенті болсам, ҰБТ балы маңызды ма?
ҰБТ балы 1-курсқа оқуға түскендер үшін ғана ескеріледі.
9. Отбасының құрамы жөнінде анықтаманы ұсыну міндетті ме? Егер міндетті болса, қайдан алуға болады?
Егер сіз көп балалы отбасынан болсаңыз, отбасы құрамы туралы анықтама қажет (құрамында бірге тұратын кәмелетке толмаған төрт және одан да көп балалары, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар). Бұл анықтаманы нотариус, ата-анасының жұмыс орнындағы кадр бөлімі береді.
10. Байқау нәтижелері қашан белгілі болады?
Кандидаттардың құжаттарын қарау құжаттарды қабылдау аяқталған күннен бастап 25 (жиырма бес) күнтізбелік күн ішінде жүзеге асырылады.
11. Егер мемлекеттік грант алатын болсам, байқауға қатысудан бас тарта аламын ба?
Иә, мұндай жағдайда Сіз «KAZENERGY» білім беру бағдарламасының үйлестірушісіне (8(7172) 79 49 75,
candidate@kazenergy.com) мемлекеттік грант алғаныз жөнінде және жер қойнауын пайдаланушылар қаражаты есебінен оқуға ниет білдірмейтіндігіңіз жөнінде хабарлауыңыз қажет.
12. Мен Ресей Федерациясының азаматымын (азаматшасымын), байқауға қатыса аламын ба?
Өкінішке орай қатыса алмайсыз, себебі байқауға қатысудың міндетті шарты барлық үміткерлерде Қазақстан Республикасының азаматтығы болуы қажет.
13. Мен 2-курс студентімін. 2-курс бойынша үлгерімнің орташа балы 3,30 құрайды. Байқауға қатыса аламын ба, маған 0,03 балл ғана жетпей тұр?
Өкінішке орай, конкурсқа Сіздің кандидатураңызды тіркеу мүмкін емес, өйткені 3-4 курстарда оқуды жалғастыратын студенттің соңғы өткен оқу жылындағы үлгерімінің орташа балы кемінде 3,33 (В+) болуы тиіс.
14. Сіздердің гранттарыңыз тұру шығындарын өтей ме?
Бағдарлама 1 (бір) акадаемиялық оқу жылының шығысын ғана өтейді. Бағдарлама жанама шығыстарды (тұру, ұшу, оқулықтар алу, стипендия, виза ресімдеу және т.б.) өтемейді.
15. Егер мен грантты ұтып алсам, кейіннен компанияда оны өтеуім керек пе?
Грант алушылардың Мердігерлер алдында оқудан кейінгі міндеттемелері жоқ.
16. Мен Ұлыбританияның ең беделді оқу орындарының бірінде оқимын. Сіздің байқауыңызға қатысқым келеді. Маған байқауға қатысуға бола ма?
Өкінішке орай, қатыса алмайсыз. Осы жоба шеңберінде шетелде (бакалавриат, магистратура, докторантура және т. б.) оқуды қаржыландыру алып тасталды.
17. Мен биыл мектепті бітірдім және АҚШ-қа бакалавриатқа оқуға түскім келеді. Байқауға қатысу үшін құжат тапсыра аламын ба?
Өкінішке орай, қатыса алмайсыз. "Бакалавр" академиялық дәрежесіне, сондай-ақ басқа да дәрежелеге шетелде білім алу алып тасталды.
18. Мен өткен жылы "KAZENERGY" білім беру грантын жеңіп алдым, осы жылы конкурстық іріктеуге қатысу үшін құжаттарды қайтадан тапсыруым керек пе? Жыл сайын қатысу үшін құжаттарды бір рет тапсыру жеткілікті ме?
Өкінішке орай, олай емес. Сіз жыл сайын грантты тағайындауға арналған конкурстық іріктеуге қатысу үшін белгіленген құжаттар пакетін қоса бере отырып, электрондық өтінім беруге тиістісіз.
19. Мен candidate@kazenergy.com поштасына құжаттар пакетін жібердім, бірақ бағдарлама үйлестірушісінен жауап әлі келмеді, мен барлығын дұрыс орындадым ба?
2018 жылы KAZENERGY» қауымдастығының білім беру бағдарламасының байқауына қатысу үшін өтінім беру шарттары өзгерді. Электрондық өтінімді grant.kazenergy.com сайтында толтыру қажет.
candidate@kazenergy.com -да құжаттар пакеті (өтінімдерді) 2018 жылдан бастап қабылданбайды.
20. Мен платформаға сілтемені қайдан таба аламын?
Платформаға сілтеме grant.kazenergy.com. сілтемесі бойынша жарияланған.
21. Жүйе қалай жұмыс істейді?
Сайтта тәртібі көрсетілген, онда жер қойнауын пайдаланушылар бөлетін қаражаты есебінен оқу ақысын төлеуге байқау іріктеуіне қатысуға өтінім беру үшін нұсқаулық берілген.
22. Барлық жолдарды толтыру міндетті ме?
Иә, міндетті түрде толтырылатын жолдар * (жұлдызшамен) белгіленген. Егер барлық міндетті жолдар толтырылмайтын болса, өтінімді жіберу мүмкін емес.
23. Өтінімнің жеткенін қалай біле аламын?
Сәтті тіркелгеннен кейін Сіздің поштаңызға өтініміңіз әкімшінің қарауына қабылданғаны жөнінде хабарлама келеді. Егер әкімші Сіздің өтініміңізді мақұлдаса, өтінім Комиссияның қарауына сәтті түрде берілгендігі туралы хабарлама поштаңызға келіп түседі.
24. Егер мен бір жерде қате жіберсем, өтінімді қайтадан жібере аламын ба?
Жоқ, бірақ сіз Әкімшіден өтінімді мақұлдау туралы хабарлама алғанға дейін деректеріңізге қажетті өзгертулер енгізе аласыз. Деректерді өзгерту сілтемесі тіркеу кезінде көрсетілген поштаға автоматты түрде жіберіледі. Сондықтан хабарламаларды пошта арқылы бақылау ұсынылады. Сонымен қатар барлық сұрақтар бойынша 8 (7172)79-49-75 телефонына, сондай-ақ
candidate@kazenergy.com электронды поштасына хабарласа аласыз.
25. Мен өзім бұрын толтырған өтінімге қалай өзгерістер енгізе аламын?
Өтінім жіберілген күні Сіздің электрондық поштаңызға автоматты түрде сіздің өтініміңіз қабылданғаны туралы хабарлама жіберіледі. Сонымен қатар, осы хабарламаның соңында деректерді өзгерту үшін сілтеме көрсетіледі, "менің деректерімді өзгерту" батырмасын басу қажет, содан кейін сіз бұрын толтырылған өтінімге ораласыз және Әкімшіден мақұлдау туралы хабарлама келгенше өзгерістер енгізе аласыз.
26. Өз деректерімнің өзгергенін қалай біле аламын?
Өтінішке бұрын енгізілген деректер өзгерген жағдайда, көрсетілген электрондық мекенжайға мынадай мазмұндағы хабарлама келеді: "сіздің деректеріңіз өзгертілді". Осы хабарлама Сіздің өтініміңізді бағдарлама әкімшісі мақұлдағанына кепілдік болып табылмайды. Мақұлданған жағдайда, сіздің поштаңызға өтінім Комиссияның қарауына сәтті берілгені туралы хабарлама келеді.
27. Егер маған деректерді өзгертетін сілтемесі бар хабарлама келмесе не істеймін?
Жүйе сілтемесі қоса берілген хабарламаны автоматты түрде жібереді, ол хабарламаның келмей қалуы мүмкін емес. Сіз толтырған өтінімде электронды мекенжай қате көрсетілген болуы не «Спам» папкасына түсіп кеткен болуы мүмкін. Егер хабарлама қандай да бір себеппен келмесе, сізге Бағдарлама әкімшісіне мына телефон арқылы 8 (7172) 79 49 75 не
candidate@kazenergy.com эл. мекенжайына хабарласу қажет.
28. Мен деректерді өзгерту сілтемесіне кірдім, маған барлық торларды қайта толтыру керек пе?
Жоқ, сіз қажетті деген торларды ғана толтырасыз. Сіздің осыған дейін енгізген деректеріңіз сақтаулы және қайта толтырған кезде қайталанады.
29. Мен өтінімді толтырдым, барлық қажетті құжаттарды тіркедім, бірақ «Жіберу» деген батырманы бассам, ұзақ уақыт бойы «Сервердің жауабын күтіңіз» деген терезе шығып тұрады, мұндай жағдайда не істеуім керек?
Интернеттің жылдамдығы көлемді файлдарды жүктеуге мүмкіндік беретініне немесе басқа веб - шолғыштан өтініш толтыруға тырысатындығына көз жеткізу керек. Сонымен қатар, сіз қоса берілген құжаттардың санын тексеру қажет, сертификаттар санына ерекше назар аудару қажет. Өтінімді жіберуді ұзақ күту файлдардың көптігіне байланысты (олардың көлемі/мөлшері). Барлық сұрақтар бойынша 8 (7172) 79 49 75 телефонына не
candidate@kazenergy.com эл. мекенжайына хабарласа аласыз.
30. Өтінімді толтыру кезінде менің мамандығының тізімде жоқ екенін анықтадым, мен конкурсқа қатыса аламын ба?
2021-2022 оқу жылында өтінімдер Техникалық және кәсіптік, орта білімнен кейінгі білім берудің неғұрлым сұранысқа ие мамандықтары мен біліктіліктерінің, жоғары және жоғары оқу орнынан кейінгі білімі бар кадрларды даярлау бағыттарының тізіміне (бұдан әрі – Тізім) сәйкес қабылданады. 2020-2021 оқу жылында Тізімге енбеген мамандықтар мен білім беру бағдарламалары бойынша қаржыландырылған студенттер конкурстың барлық критерийлеріне сәйкес келген жағдайда конкурстық іріктеуге қатысуға құқылы.
31. Байқаудың шарттары көрсетілген бетте мен техникалық және техникалық емес мамандықтар бойынша шектеулер бар екенін оқыдым, толығырақ түсіндірулеріңізді өтінемін.
Бағдарлама шеңберінде оқу сомасының белгіленген шегінен асқан жағдайда, Сізге әкімші қосымша хабарлайды.