Kazenergy

KAZENERGY қауымдастығының Төрағасы

ТИМУР АСҚАРҰЛЫ ҚҰЛЫБАЕВ

1966 жылы 10 қыркүйекте Алматы қаласында дүниеге келген.
Республикалық физика-математика мектебінің түлегі (1983 ж.).
1988 жылы М.В.Ломоносов атындағы Мәскеу мемлекеттік университетін «Халық шаруашылығын жоспарлау» мамандығы бойынша бітірді. Біліктілігі – «Экономист».
Экономика ғылымдарының кандидаты. 1999 жылы «Нарық жағдайында кәсіпорындарды басқарудың ұйымдастырушылық-экономикалық механизмін жетілдіру (мұнай өндіру өнеркәсібінің мысалында)» тақырыбында диссертация қорғады.
Бірқатар ғылыми жарияланымдары мен өнертабыстары бар.

Еңбек жолы:

1988-1990 жылдар аралығында – ҚазКСР Мемлекеттік жоспарлау жанындағы Жоспарлау және нормативтер экономикалық ғылыми-зерттеу институтында (НИЭИ ПиН – ЖжН ЭҒЗИ) қызмет атқарған.
1990 -1992 жж. – Қазақстанның мәдени, әлеуметтік және ғылыми-техникалық даму қоры ғылыми-консультациялық орталығының директоры болып тағайындалды.
1992-1995 жж. – «Алтын-Алма» концернінің басшысы.
1995-1997 жж. – Алматы сауда-финанс банкі Кредит комитетінің мүшесі, байқау кеңесінің төрағасы.
1997 ж. – Қазақстан Республикасы Мемлекеттік комитетінің Жобаларды бағалау және келіссөз жүргізу дирекциясының инвестициялар жөніндегі басшысы (төраға орынбасарының құқығында).
1997-1999 жж. – «Қазақойл» ұлттық мұнай-газ компаниясы» ЖАҚ-тың экономика және финанс жөніндегі вице-президенті.
1999-2001 жж. – «ҚазТрансОйл» мұнай тасымалдау ұлттық компаниясы» ЖАҚ президенті.
2001-2002 жж. – «ҚазТрансОйл» және «ҚазТрансГаз» компанияларының базасында құрылған «Мұнай және газ тасымалы» ұлттық компаниясы» ЖАҚ бас директоры.
2002-2005 жж. – «Қазақойл» және «Мұнай және газ тасымалы» ұлттық компанияларын біріктіру жолымен құрылған «ҚазМұнайГаз» ұлттық компаниясы» АҚ бірінші вице-президенті.
2005-2013 жж. – Қазақстан Республикасы Президентінің штаттан тыс кеңесшісі.
2006-2007 жж. – «Самұрық» мемлекеттік активтерді басқару жөніндегі қазақстандық холдинг» АҚ басқарма төрағасының орынбасары.
2008-2011 жж. – «Самұрық-Қазына» ұлттық әл-ауқат қоры» АҚ басқарма төрағасының орынбасары.
2011 жылдың сәуір айынан бастап желтоқсан айына дейін – «Самұрық-Қазына» ұлттық әл-ауқат қоры» АҚ басқарма төрағасы, Директорлар кеңесінің мүшесі.
2010-2014 жж. – «Атамекен» одағы» Қазақстанның ұлттық экономикалық палатасы Төралқасының төрағасы.
2005 жылдың қарашасынан бастап осы уақытта – «KAZENERGY» Қазақстан мұнай-газ және энергетика кешені ұйымдары қауымдастығының төрағасы.
2013 жылдың қыркүйек айынан бастап 2022 жылдың ақпан айына дейін – «Атамекен» Қазақстан Республикасы Ұлттық кәсіпкерлер палатасының Төралқа төрағасы.

Спорттық ұйымдар:

2009-2019 жж. – «Қазақстанның бокс федерациясы» қауымдастық нысанындағы заңды тұлғалар бірлестігінің президенті.
2010-2015 жж. – «Қазақстан Республикасы Ұлттық Олимпиадалық комитеті» қоғамдық бірлестігі Атқарушы комитетінің мүшесі.
2012-2018 жж. – Халықаралық бокс ассоциациясы (AIBA) Атқарушы комитетінің мүшесі, вице-президенті.
2012-2016 жж. – «Спорттық жекпе-жек және күш қолданылатын спорт түрлері» қауымдастық нысанындағы заңды тұлғалар бірлестігінің төрағасы.
2016-2018 жж. – Ұлттық Олимпиада комитеттері қауымдастығының (ANOC) Халықаралық қатынастар жөніндегі комиссия мүшесі.
2016-2019 жж. – «Қазақстан Республикасының су спорты түрлері федерациясы» республикалық қоғамдық бірлестігінің президенті.
2015 жылдан бастап қазіргі уақытта «Қазақстан Республикасы Ұлттық Олимпиадалық комитеті» қоғамдық бірлестігінің президенті, «Қазақстан Республикасы Ұлттық Олимпиадалық комитеті» қоғамдық бірлестігі атқарушы комитетінің төрағасы.
2016 жылдың сәуір айынан бастап қазіргі уақытта Азия Олимпиадалық кеңесі (ОСА) Атқарушы комитетінің мүшесі, вице-президенті.
2017 жылдың сәуірінен бастап 2022 жылдың қыркүйек айы аралығында – Халықаралық Олимпиада комитетінің Қоғаммен байланыс және спорт арқылы әлеуметтік дамыту комиссиясының мүшесі (PASD IOC, Олимпизм 365 комиссиясы болып қайта құрылған (IOC Olympism 365 Commission)).
2018 жылдың тамыз айынан бастап – «Қазақстан гольф федерациясы» республикалық қоғамдық бірлестігінің Төралқа мүшесі.
2018 жылдың қараша айынан бастап – Ұлттық Олимпиада комитеттері қауымдастығы (ANOC) Атқарушы комитетінің мүшесі.
2019 жылдың қазан айынан бастап – «Қазақстанның бокс федерациясы» қауымдастық нысанындағы заңды тұлғалар бірлестігінің Құрметті президенті.
2022 жылғы қыркүйек айынан бастап – Халықаралық Олимпиада комитетінің Олимпизм 365 комиссиясының мүшесі (IOC Olympism 365 Commission).

Қамқоршылар кеңестері:

2011-2017 жж. – «Назарбаев қоры» жеке қоры Қамқоршылар кеңесінің мүшесі.
2011 жылдан бастап қазіргі уақытта – «Арыстан» (Талғар қ.) мамандандырылған лицей Қамқоршылар кеңесінің төрағасы.
2011 жылдан бастап қазіргі уақытқа дейін – «Назарбаев қоры» жеке қоры Қамқоршылар кеңесінің мүшесі (*2020 жылдың шілде айына дейін – «Қазақстан Республикасының Тұңғыш Президенті – Елбасы қорының» Қамқоршылар кеңесінің мүшесі.
2014 жылдан бастап 2017 жылға дейін «РМФМОМИ түлектері қоры» қоғамдық қоры Қамқоршылар кеңесінің мүшесі.
2014 жылдан бастап қазіргі уақытта «Республикалық физика-математика мектебі» коммерциялық емес акционерлік қоғамы Қамқоршылар кеңесінің мүшесі (*2015 жылға дейін О.Жәутіков атындағы дарынды балаларға арналған «РМФМОМИ»).
2021 жылдың маусым айынан бастап – «Астана Опера» мемлекеттік опера және балет театры» коммерциялық емес акционерлік қоғамЫ жанындағы Қамқоршылар кеңесінің мүшесі.

Халықаралық және шетел ұйымдары:

2008 жылдан бастап қазіргі уақытта – Бүкіләлемдік мұнай кеңесі (World Petroleum Council) қазақстандық ұлттық комитетінің төрағасы.
2010-2014 жж., 2018 жылдан бастап 2022 жылдың ақпан айына дейін – Қазақстан-Германия іскерлік кеңесінің стратегиялық ынтымақтастық жөніндегі тең төрағасы.
2011 жылдан бастап 2022 жылдың наурыз айына дейін «Газпром» ЖАҚ Директорлар кеңесінің мүшесі.

Қазақстан компанияларының Директорлар кеңесі:

2006-2007 жж., 2008-2011 жж. – «Қазақстанның Электр желілерін басқару компаниясы» АҚ (KEGOC) Директорлар кеңесінің төрағасы.
2006-2007 жж., 2009-2012 жж. – «ҚазМұнайГаз» ұлттық компаниясы» АҚ Директорлар кеңесінің төрағасы.
2008-2012 жж. – «Қазатомөнеркәсіп» ұлттық атом компаниясы» АҚ Директорлар кеңесінің төрағасы.
2009-2011 жж. – «Самұрық-Энерго» АҚ Директорлар кеңесінің төрағасы;
2009-2011 жж. – «Қазақстан Темір Жолы» ұлттық компаниясы» АҚ Директорлар кеңесінің төрағасы.
2011 ж. – «Самұрық-Қазына» ұлттық әл-ауқат қоры» АҚ Директорлар кеңесінің мүшесі.

Қазақстан Республикасының мемлекеттік және мерекелік наградалары:

«Құрмет» ордені (2001 ж.)
III дәрежелі «Барыс» ордені (2009 ж.)
I дәрежелі «Барыс» ордені (2014 ж.)
«Отан» ордені (2021 ж.)
«Қазақстан Конституциясына 10 жыл» мерекелік медалі (2005 ж.)
«Астанаға 10 жыл» мерекелік медалі (2008 ж.)
«Қазақстан Республикасының тәуелсіздігіне 20 жыл» мерекелік медалі (2011 ж.)
«Қазақстан Республикасының тәуелсіздігіне 25 жыл» мерекелік медалі (2016 ж.)

Ресей Федерациясының наградалары:

«Дружба» ордені (2007 жыл)
Ресей мүфтилер кеңесінің II дәрежелі "Аль-Фахр" ордені ( Құрмет ордені) (2010 ж.)
II дәрежелі «Русская Православная Церковь Святого благоверного князя Даниила Московского» ордені ( 2010 ж.)
«Құрметті теміржолшы» медалі (2011 ж.)

Қосымша мәліметтер:
Қазақ, орыс және ағылшын тілдерін меңгерген.
Хоббиі – гольф, тау шаңғысы, футбол.
Отбасылы (зайыбы Динара Нұрсұлтанқызы Құлыбаева, 1967 жылы туған), үш бала тәрбиелеп отыр (ұлы 1990 ж.т., қыздары 2004 және 2010 ж.т.)