ХIV Еуразиялық KAZENERGY форумы аясында 2021 жылғы 5 қазанда «Women in Energy: Equality and Success» V KAZENERGY Әйелдер энергетикалық клубы форумының (бұдан әрі – Форум) пленарлық сессиясы өтті.
Форум әйелдер көшбасшылығы және әйелдердің қоғамдағы рөлін арттыруға жәрдемдесу, олардың іскерлік және экономикалық белсенділігін кеңейту, әйелдерді әртүрлі салаларда – мансапта, білім беруде, отбасында ілгерілету тақырыбына арналды.
«ҚазМұнайГаз» ҰК» АҚ Басқарма Төрағасының кеңесшісі Жақсыбек Күлекеев Пленарлық сессияның модераторы болды.
Пленарлық сессияны ҚР Энергетика Вице-министрі Әсет Мағауов, KAZENERGY қауымдастығының Бас директоры Кенжебек Ибрашев, Қазақстандағы ЕҚДБ басшысы Хусейн Озхан, KAZMORTRANSFLOT UK Ltd қаржы директоры, ЖЭК төрағасы Айзада Аққайсиева құттықтау сөз айтып ашты.
Пленарлық сессияның спикерлері гендерлік дамудың халықаралық және қазақстандық тенденцияларын қарады, жұмыс орнында әйелдердің теңдігін қамтамасыз етудің және мемлекеттік және корпоративтік құрылымдарда гендерлік теңгерімді сақтаудың негізгі аспектілері және т. б. талқыланды.
Атап айтқанда, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы, ҚР Парламенті Мәжілісінің депутаты Лаззат Рамазанова билікке әйелдердің келуімен энергия тиімділігін арттыру, экологияландыру және жұмыс кеңістігін тиімді пайдалану жағына қарай жақсартулар мен өзгерістер болып жатқанын атап көрсетті. Ләззат Рамазанова форум қатысушыларына да өз тілегін білдірді: «KAZENERGY ұйымдастырған гендерлік дамуға арналған бүгінгі қызықты және мазмұнды алаң саяси кадрлық әйелдер резерві үшін қуатты ұстаханаға айналады деп сенемін».
Сондай-ақ, Форумда Қызылорда облысының әкімі Гүлшара Әбдіқалықова сөз сөйледі, ол облыстағы басшылық позициялардағы әйелдер санының артуы туралы деректерді ұсынды: «қазіргі уақытта бірінші басшы әйелдер-5 (20%), ал депутаттар - 39 (26%)». Сондай-ақ, ол өз сөзінде әйелдердің көпшілігі әлеуметтік блокта жұмыс істейтініне тоқталып өтті. 87% денсаулық сақтау саласында және 73% білім беру саласында, жалпы бюджет саласында әйелдердің 60% жұмыс істейді. Сонымен қатар, спикер әйелдерді қолдау (экономика, бизнес, көп балалы аналар) жөніндегі іс-шаралар туралы айта келе, әйелдерді ілгерілету бойынша жалпы ұсынымдар берді.
Энергетиканың корпоративтік секторындағы әйелдер нетворкингінің маңыздылығы туралы TotalEnergies Kazakhstan басшысы Ахлем Фрига-Ной айтып берді:
«2019 жылдан бастап TotalEnergies басқару комитеттерінде, техникалық және іскерлік сегменттерде және негізгі корпоративтік функцияларда әйелдер санын арттыру үшін жүйелі түрде жұмыс істеп келеді. Бұл - біздің қалауымызбен іске асырылып отыр. Бұл мәселеде жоғарыдан берілетін пәрмен маңызды. Стратегияда және оның амбицияларында компания әйелдердің қай салада жұмыс істейтініне қарамастан, өздерінің таланттары мен амбицияларын толық көрсете білуі керек екенін нақты көрсетті. Сондықтан бізде 14 жылдан бері жұмыс істеп келе жатқан TWICE - Total Energy s Womens Initiative for Communication & Exchange корпоративтік желісі бар, бұл оның қол жеткізген жетістіктерінің ең озық дәлелі».
БҰҰ-ның Қазақстандағы әйелдер өкілі Мария Доценко форумға қатысушылармен гендер саласындағы халықаралық деректермен бөлісті: «Егер 600 миллион қыз-келіншектер ақпараттық-коммуникациялық технологияларға қол жеткізсе, экономикалық өсу тұрғысынан алғанда 144 дамушы ел ЖІӨ-ні 8 триллионға арттырар еді. STEAM-дағы гендерлік алшақтық әйелдер мен қыздардың оған толыққанды қатысушы ретінде қатысуын мойындаған жылдарға қарамастан маңызды болып қала береді. Бүгінгі таңда бүкіл әлемдегі зерттеушілердің тек 30%-ы әйелдер, ал STEM-ге қатысты барлық студенттердің тек 35 пайызы әйелдер».
Сонымен қатар, German Energy Agency (dena, Berlin) Халықаралық коммуникациялар бойынша аға сарапшы Каролний Кролик «Шығыс Еуропа мен Орталық Азиядағы энергетикадағы әйелдердің рөлі» атты халықаралық зерттеуді ұсынды. Оның баяндамасында әйелдердің энергетика секторында кездесетін проблемалар мен кедергілер, сондай-ақ энергетикалық әріптестік шеңберінде іс-қимылдарға қолдау көрсету тетіктері мен ұсынымдар: тәжірибе алмасуға жәрдемдесу; энергетика саласына сарапшы әйелдерді тарту; әйелдердің салаға қосатын үлесін танымал етуді арттыру; әйелдер нетворкингтерін құруға және дамытуға жәрдемдесу туралы айтылды.
Қордың Бас директоры Тембекиле Мандела Ндилека Мандела ханым әйелдердің мүмкіндіктерін қолдау және кеңейту бойынша тәжірибелерімен және іс-шараларымен, сондай-ақ әйелдер көшбасшылығын дамытуға қатысты өз көзқарасымен бөлісті, ол Қазақстандағы гендерлік дамудың оң динамикасын атап өтті.
Әйелдер форумы 7 қазанда нон-стоп режимінде алты тақырыптық сессиямен жалғастырылады:
1) 09.00-09.45 - «UP and DOWN» сессиясы
2) 10.00-11.00 - «Мансап, кедергілер мен теңгерім» сессиясы
3) 11.15-12.15 - «Әйелдердің еңбек жағдайлары мен денсаулығы» сессиясы
4) 12.30-13.30 - «Постковидтегі жұмыс түрі: кеңсе, қашықтан істеу немесе гибрид?» сессиясы
5) 13.45-14.45 - «Жаңартылатын энергетиканы дамытудағы әйелдердің рөлі» сессиясы
6) 15.00-16.00 - «Women: lead to create a better world» сессиясы
