2018 жылғы 24 сәуірде KAZENERGY қауымдастығының алаңында «ҚазМұнайГаз» ҰК» АҚ еңбекті және қоршаған ортаны қорғау жөніндегі вице-президенті Винсент Спинелли төрағалығымен және KAZENERGY бас директоры Әсет Мағауовтың қатысуымен Экология, әлеуметтік жауапкершілік және айқындылық мәселелері жөніндегі үйлестіру кеңесінің отырысы өтті.
Отырыста «ҚР экологиялық заңнамасына өзгерістер енгізу бойынша жұмысқа қатысу» нысаналы жобасын іске асырумен байланысты мәселелер қаралды, сондай-ақ 2017 жылдың есебі тыңдалды және «Өндіруші компаниялардың айқындылық бастамаларын» (ӨСАБ) іске асыру бойынша 2018 жылға қойылған міндеттер сөз етілді.