top
top
Сұрақтар мен жауаптар
Сұрақтар мен жауаптар
1. Байқауға қатысу үшін команданы қалай тіркеуге болады?
Байқауларға қатысу үшін сауалнаманы 2021 жылдың 17 маусымына дейін мына сілтеме бойынша толтыру қажет: https://sdf.kazenergy.com/
Команда студенттердің ЖОО-да оқитынын растайтын анықтаманы міндетті түрде тіркеуі керек. Онлайн тіркеуді команда КАПИТАНЫНАН бастау керек. Команданың әрбір мүшесі Байқауға қатысуға жеке өтінім береді. Барлық топ мүшелері сауалнаманы толтырғаннан кейін, барлық топ мүшелеріне команданың тіркелгені туралы хабарлама келеді.
2. 2021 жылғы Байқаудың Техникалық тапсырмаларын қай жерден қарауға болады?
2021 жылғы Байқаудың Техникалық тапсырмалары келесі тақырыптар бойынша берілген: 1) Ластаушы заттар, парниктік газдар шығарындыларын және энергия тиімділігін есептеуді автоматтандыру; 2) Ұңғымалардың тұтастығын бақылау процесін жақсарту және оңтайландыру үшін қысым датчиктерінің қашықтан істейтін жүйесін енгізу; 3) Техникалық сызбаларда көрсетілген таңбаларды сканерлеу және анықтау үшін үлгіні тануға негізделген іздеу жүйесін әзірлеу. Мына сілтеме бойынша ТТ әр тақырыбының толық сипаттамасын қарай аласыз: https://kazenergy.com/ru/operation/educational-program/156/1770/
3. Байқауға жеке қатысуға бола ма?
Жоқ, байқауға ЖОО-ның 3-5 студентке дейінгі құрамдағы командалары ғана қатыса алады.
4. Командаларды әртүрлі мамандықтар/курстар/университеттердің студенттерінен құруға бола ма?
Иә, студенттер кез-келген комбинацияда бір университет немесе бір колледж атынан команда құра алады.
5. Байқауға Қазақстаннан тыс жерлерде оқитын студенттер қатыса ала ма?
Жоқ, Байқау Қазақстандағы ЖОО білім алатын студенттерге арналған.
6. Байқауға жұмыс істейтін мамандар қатыса ала ма?
Байқауға барлық командалар үшін тең жағдайды қамтамасыз ету үшін кез келген курста оқитын бакалавриат және магистратура студенттері қатыса алады.
7. Байқауға қатысу үшін жас шектеулері бар ма?
Иә, байқауға 18-25 жас аралығындағы ЖОО студенттері қатыса алады. Ұйымдастырушылар ұлдар мен қыздардың өтініштерін құптайды және тең құқықтар мен мүмкіндіктер қағидасын ұстанады.
8. Қазақстан азаматтары болып табылмайтын студенттер Байқауға команда құрамында қатыса ала ма?
Иә, егер қазіргі уақытта студент азаматтығына қарамастан ҚР жоғары оқу орнының студенті болып табылса, команда құрамында қатысуына рұқсат етіледі.
9. Техникалық тапсырмалар тақырыптарының біріне шешім жобасын беру тіліне қатысты қандай талаптар қойылады?
ЖОО командалары шешім жобаларын үш тілде: қазақ, орыс және ағылшын тілдерінде әзірлеп, ұсынады.
10. Шешім жобасын әзірлеу кезінде командалар ҚПО қызметкерлерінің кеңесін қолдана ала ма және бұл қалай жүзеге асырылады?
Иә. Әрбір Техникалық тапсырма бойынша кеңесшілердің байланыстарын «Байқау шарттары» деген бөлімнен ала аласыз: https://kazenergy.com/ru/operation/educational-program/156/1770/ Байқау үйлестірушісі демеушімен келісім бойынша консультациялар кестесін жасайды, оған сәйкес онлайн-кездесулер ұйымдастырылады, сондай-ақ сіз өз сұрақтарыңызды email-ға жолдай аласыз.
11. 2021 жылы StudentDigitalFest байқауына қандай өзгерістер енгізілді?
Байқаудың екінші маусымы үш кезеңнен тұрады. Бірінші кезеңде командалар қалыптастырылады, команданың әрбір мүшесі жеке тіркеледі (қатысушылардың жасы 18-ден 25 жасқа дейін), сараптамалық кеңестер қалыптастырылады *. Екінші кезеңде байқаудың Техникалық тапсырмасы тақырыптарының біріне шешім жобалары әзірленеді, сараптамалық кеңестер шешім жобаларын бағалайды, финалшы командалар іріктеледі. Үшінші кезеңде қазылар алқасы мүшелерінің алдында командалық жұмыстардың онлайн-қорғауы және жеңімпаздарды жариялау өтеді. *Сараптамалық кеңес – байқаудың Техникалық тапсырмаларының тақырыптары бойынша кәсіби құзыреттері мен тәжірибесі бар сарапшылар тобы. Сараптамалық кеңес сондай-ақ байқау тақырыптары бойынша шешім жобаларын әзірлеу бойынша командаларға консультация береді және байқаудың қазылар алқасының құрамына кіреді.
12. Командалар әзірлеген шешім жобаларын кім бағалайды?
Техникалық тапсырма тақырыптары бойынша шешім жобаларын байқаудың сараптамалық кеңестері бағалайды.
13. Байқаудың қазылар алқасының құрамына кімдер кіреді?
Байқаудың қазылар алқасы (Қазылар алқасы) сарапшылар – байқау жеңімпаздарын іріктеу және айқындау жөнінде шешім қабылдайтын мұнай-газ/энергетика салаларының, ғылыми және ғылыми-зерттеу мекемелерінің, ғылыми институттардың өкілдері қатарынан қалыптастырылады. Қазылар алқасының құрамына демеушінің келісімі бойынша тәуелсіз сарапшылар кіргізілуі мүмкін.
14. Шешім жобаларын қорғауға шақырылған командалар үшін жол жүру шығындары өтеле ме?
2021 жылы «StudentDigitalFest» байқауы онлайн форматта өткізіледі. Байқау үйлестірушісі виртуалды платформаға қосылатын сілтемені барлық финалшы командаларға жібереді.
15. Егер команданың толық құрамы финалдағы іс-шараға қатыса алмаса не істеу керек?
Команда ұйымдастырушыларға өзгерістер туралы мүмкіндігінше ертерек хабарлауы керек. Егер команда жобаны қорғауға шақырылса, онда кем дегенде 2 студент команда атынан қатысуы керек-1 команда мүшесі және капитан.
16. Байқауға қатысушылардан ұйымдастырушылар компаниясына немесе кез келген басқа мұнай-газ компаниясына жұмысқа орналасу немесе тәжірибеден өту мүмкіндігі бола ма?
«StudentDigitalFest» байқауы қызметкерлерді іріктеу және жалдау жөніндегі процесс болып табылмайды және байқауға қатысу жұмысқа алу кезіндегі бағалауға әсер етпейді.
17. Ғылыми жетекшінің қатысуы міндетті ме?
Міндетті емес, бірақ шешім жобасын әзірлеуге жәрдемдесу мақсатында командалардың ғылыми жетекшіні тартуына жол беріледі. Ғылыми жетекші команда құрамына кірмейді.
18. Сараптамалық кеңестердің шешім жобаларын бағалауы неге әсер етеді?
Бағалау қорытындысы бойынша ұйымдастырушылар жобаларды онлайн-қорғауға қатысатын байқаудың финалына өткен командалардың тізімін жасайды.
19. Байқаудың жүлде қоры қандай?
Байқаудың жалпы жүлде қоры - барлық жеңген командаларға 15 000 АҚШ доллары.
20. Командалар оқу кезеңінде шешім жобаларын қорғауға қалай қатысады?
Ұйымдастырушылар жоғары оқу орындарына финалшы командалардың барлық мүшелерінің байқау финалына қатысатыны туралы ресми хаттар жібереді. Байқау аяқталған соң ұйымдастырушылар жоғары оқу орындарына байқау нәтижелері туралы жазбаша хабарлама жібереді.
Конкурс ұйымдастырушыларының байланыс деректері:
+7 717 2 79-01-74
e-mail: sdf2021@kazenergy.com





Мекенжайы:
Астана, Қабанбай батыр 17, Б блогы
Сайт картасы
KAZENERGY 2005 - 2024 © Барлық құқықтар сақталған.